Ein cynnig i brynu cyfranddaliadau
Bywyd teg
- Adeiladwyd Ty’n Llan yn yr 1830au yn rhan o stad Glynllifon
- Mae’n adeilad hanesyddol a thrawiadol rhestredig Gradd II ac roedd yn galon i bentref hardd Llandwrog
- O Eben Fardd i Edward H – mae beirdd, cantorion ac enwogion o fri wedi cwrdd yma ar hyd y blynyddoedd
Byd diogel
- Caewyd y drysau yn 2017 ac ers hynny mae’r pentref wedi colli yr unig le i gwrdd a chymdeithasu
- Ym mis Chwefror 2021 dangosodd dros 100 o bentrefwyr eu brwdfrydedd dros ddiogelu dyfodol Ty’n Llan ac o fewn ychydig ddyddiau derbyniwyd benthyciadau dros dro gan drigolion lleol i ganiatau’r gymuned i brynu’r adeilad ar frys
- Sefydlwyd Menter Ty’n Llan, Cymdeithas Budd Cymunedol, gyda 14 aelod profiadol ar y Pwyllgor Rheoli
- Nawr rhaid codi o leiaf £400,000 fel ein cyfraniad ni at brosiect sy’n mynd i gostio £850,000 i greu canolbwynt cymunedol cyfoes a chyffrous
A diod dda doed a ddel
Trwy gyrraedd y nod ariannol, bydd modd cyflawni ein gweledigaeth lawn
- bar, cegin a bwyty cyfoes
- pedair ystafell wely en-suite gyda chornel cegin
- estyniad cefn gyda golygfeydd o’r Eifl
- ystafell aml bwrpas ar gyfer digwyddiadau cymunedol, partïon preifat a gwledda
- gardd gwrw ddeniadol i’r teulu cyfan gyda chegin allanol
- digonedd o le parcio gyda phwynt gwefru ar gyfer ceir trydan
Yn Ty’n Llan rhaid Tynnu llwch
O’i far annwyl – Cyfrannwch!
Ymunwch â Ni!
Dyddiad cau i brynu cyfranddaliadau:
11 Mehefin 2021
Mae prynu cyfranddaliadau yn eich gwneud chi’n aelod o’r gymdeithas ac yn rhoi llais i chi ar sut mae’n cael ei rhedeg. Mae gan bob aelod un bleidlais, waeth faint o gyfranddaliadau maen nhw’n eu prynu. Cost un cyfranddaliad yw £100 a’r uchafswm gellir ei fuddsoddi yw £50,000. Buddsoddwch yn hael!
Rhaid bod o leiaf 16 oed i fuddsoddi, ond gellir prynu cyfranddaliadau ar ran plentyn. Efallai y byddwch yn derbyn llog ar eich buddsoddiad yn y dyfodol ac mae posibilrwydd y byddwch yn derbyn Ryddhad Treth Buddsoddi Cymdeithasol (SITR).
Dogfennau Cyfranddaliadau
Cynnig Cyfranddaliadau
Cynllun Busnes
Atodiad 4 Model Ariannol 3 Blynedd a Rhagolwg Llif Arian Parod
Atodiad 5 Cofrestr Risg
Rheolau Cymdeithas Budd Cymunedol Menter Ty’n Llan
Unrhyw gwestiynau? Darllenwch y Cwestiynau Cyffredin, neu cysylltwch â’r Trysorydd ar 01286 830640 neu siars@tynllan.cymru
Ffurflen Fuddsoddi
