Adeiladwyd y Ty’n Llan presennol yn yr 1860au yn rhan o stad Glynllifon. Mae’n adeilad hanesyddol a thrawiadol rhestredig Gradd II ac yn galon i bentref hardd Llandwrog. O Eben Fardd i Edward H – mae beirdd, cantorion ac enwogion o fri wedi cwrdd yma ar hyd y blynyddoedd.
Amdanom Ni
Bywyd teg
Byd diogel
Caewyd y drysau yn 2017 a chollodd y pentref yr unig le i gwrdd a chymdeithasu. Ym mis Chwefror 2021 dangosodd dros 100 o bentrefwyr eu brwdfrydedd dros ddiogelu dyfodol Ty’n Llan a phenderfynwyd cychwyn ymgyrch i brynu’r adeilad ar frys. Sefydlwyd Menter Ty’n Llan, Cymdeithas Budd Cymunedol, a llwyddwyd i godi dros £400,000 mewn cyfranddaliadau. Gyda help nifer o gronfeydd ariannu cyhoeddus, mae dyfodol Ty’n Llan bellach yn ddiogel.
A diod dda doed a ddel
Ail-agorwyd drysau Ty’n Llan dros dro ym mis Rhagfyr 2021 a cafodd y gymuned fwynhau dod at ei gilydd i gymdeithasu. Aeth y gwaith o ymgynghori a dylunio yn ei flaen ac ym mis Mai 2024, caewyd y drysau unwaith eto – ond y tro hwn ar gyfer y gwaith cyffrous o adnewyddu mawr. Yn dilyn blwyddyn a hanner o waith adeiladu sylweddol, ym mis Tachwedd 2025 cyrhaeddwyd y nod a llwyddwyd i gyflawni ein gweledigaeth lawn.
Y Staff
Mae Menter Ty’n Llan yn cyflogi tim helaeth o bobl leol llawn a rhan amser ar hyn o bryd – Rheolwr Busnes, Rheolwr ac Is-reolwr Bar, Swyddog Cymunedol, Cydlynydd Prosiect, staff bar a staff gweini. Mae ein cogydd, Adam, a’i bartner Cherisse yn rhedeg y gegin mewn partneriaeth a’r fenter ac yn cyflogi eu tim eu hunain o staff cegin. Ydych chi â diddordeb gweithio tu ôl i’r bar, yn y bwyty neu yn y gegin? Cysylltwch â ni!
Menter Ty’n Llan
Cryfder y fenter yw nifer ei haelodau a’i gwirfoddolwyr. Mae pob cyfranddaliwr yn aelod o’r Gymdeithas, a mae dros 1000 o aelodau hyd yn hyn. Mae degau o aelodau ar bwyllgorau’r fenter hefyd sef y Pwyllgor Rheoli a nifer o is-bwyllgorau sy’n gyfrifol am wahanol feysydd ac arbenigeddau: Gweithrediadau Busnes; Cyfathrebu, Marchnata a Chyfathrebu; Adeilad a Chynnal a Chadw; Yr Ardd. Mae’r pwyllgorau hyn yn sicrhau bod Ty’n Llan yn cael ei redeg yn effeithiol ac yn cyflawni tasgau penodol ar ei rhan.
Y Pwyllgor Rheoli
Mae 12 aelod profiadol ar Bwyllgor Rheoli Menter Ty’n Llan ar hyn o bryd:
Wyn Roberts (Cadeirydd)
Perchennog-gyfarwyddwr Marchnata AQUA Cyf sy’n arbenigo mewn marchnata digidol a’r sector twristiaeth. Cyfarwyddwr Galeri Caernarfon Cyf, Hwb Eryri Cyf, Datblygiadau Egni Gwledig (DEG) a Cooliture Cyf
Carys Aaron (Ysgrifennydd)
Ymddiriedolwr elusen Sistema Cymru; cyfarwyddwr hostel a bwyty Gallt y Glyn a Rheilffordd Llyn Padarn. Cyn Reolwr Busnes a chyfarwyddwr Ffilmiau’r Nant Cyf a chyn ddarlithydd yn Ysgol y Gyfraith, Prifysgol Bangor. Cyn ysgrifennydd cwmni Galeri Caernarfon Cyf a Crochan Celf.
Huw Jones (Trysorydd)
Cadeirydd Portmeirion Cyf ac Ymddiriedolaeth Nant Gwrtheyrn. Cyn Gadeirydd a Phrif Weithredwr S4C, cyd-sylfaenydd Sain, Barcud a Teledu’r Tir Glas ac Ymddiriedolwr RSPB a’r Gymdeithas Deledu Frenhinol.
Angharad Gwyn
Perchennog-gyfarwyddwr cwmni manwerthu Cymreig Adra; Arweinydd a chyd-sylfaenydd Clwb Gwawr Llandwrog; cyn gadeirydd Cyfeillion yr Ysgol, a Grŵp Ti a Fi y pentref; aelod o Gyngor Coleg Glynllifon a model rôl busnes gyda Syniadau Mawr Cymru.
Ian Kenrick Hughes
Rheolwr Busnes Asiantaeth Cefnffyrdd Gogledd a Chanolbarth Cymru, wedi gweithio mewn llywodraeth leol am dros 35 mlynedd. Cyn-aelod o Lywodraethwyr Ysgol Syr Hugh Owen ac Ysgol Llandwrog.
Bethan Mary Jones
Actores broffesiynol sydd wedi byw yn Llandwrog ers 25 mlynedd ac wedi magu 4 o blant. Cyn Gadeirydd Llywodraethwyr Ysgol Llandwrog. Yn berchen ar fusnes llety hunanarlwyo.
Dylan Wyn Herbert
Rheolwr Materion Allanol gyda cwmni National Grid yng Nghymru, gyda dros 36 mlynedd o brofiad yn y diwydiant trydanol. Cyn Bennaeth Cynllunio Gwaith ac Adnoddau yn SP Energy Networks/Manweb, cyn Gynghorydd Cymuned ym Mhenygroes, ac is-gadeirydd blaenorol Clwb Rygbi Caernarfon. Cyn aelod o Ynni Lleu. Aelod o Gymdeithas Dyfarnwyr Undeb Rygbi Gogledd Cymru. Llysgennad STEM ac yn gwasanaethu fel aelod o fwrdd Canllaw.
Sioned Williams
Pennaeth Adran Economi a Chymuned, Cyngor Gwynedd, sy’n gyfrifol am ddatblygu economaidd, twristiaeth, digwyddiadau, rhaglenni adfywio, diwylliant a hamdden. Cynllunydd tref cymwysedig, yn cefnogi mentrau cymdeithasol ers 25 mlynedd. Aelod o wahanol fyrddau rheoli lleol, rhanbarthol a chenedlaethol.
Dr Geraint Ellis
Cyn gynhyrchydd radio a theledu gyda BBC Cymru a Cwmni Da a weithiodd hefyd fel Uwch Ddarlithydd yn y Cyfryngau ym Mhrifysgol Bangor. Profiad helaeth o weithio ym maes y celfyddydau ac adloniant. Aelod o bwyllgor Ymddiried: Media Grants Cymru. Wedi byw yn y pentref ers dros 30 mlynedd.
Marnel Pritchard
Cadeirydd Cyngor Cymuned Llandwrog a gwirfoddolwr gweithgar yn y Fenter, yn enwedig yn yr ardd, helpu i lanhau pan mae angen ac agor drws i wahanol grwpiau.
Elfyn Owen
Prif Swyddog elusen leol gyda chefndir yn y maes adeiladu. Yn arwain ar ddatblygu gwasanaethau tai i bobl hŷn a bregus. Profiad helaeth o lywodraethu, rheoli risgiau, rheolaeth ariannol, iechyd a diogelwch, a chefnogi staff. Ymddiriedolwr ar Ganolfan Bro Llanwnda, a chadeirydd Pwyllgor Adeiladau Capel Salem, Caernarfon.
Amlyn Parry
Wedi ei fagu yn y pentref a newydd ddychwelyd i fyw yno efo’i bartner a’i ferch fach. Ystod eang o sgiliau a diddordebau, profiad o weithio gyda pobl ifanc, gwaith amgylcheddol, arwain gweithgareddau awyr agored a threfnu/cymryd rhan mewn digwyddiadau cerddorol.
